Komunikazio Kuantikoa

Komunikazio kuantikoek mekanika kuantikoaren propietateak aprobetxatzen dituzte informazioaren transmisio segurua eta eraginkorra lortzeko, batez ere kriptografia kuantikoaren (QKD) eta teletransporte kuantikoaren bidez. Teknologia horiek abangoardiako ikerketa-eremua dira, eta etorkizunean komunikazio-sare seguruak eraldatzeko ahalmen handia dute.

Komunikazio Kuantikoak ikertzeko euskal ekosistema aurrera doa sare seguruak bermatzeko eta etorkizuneko Internet kuantikoaren oinarria ezartzeko teknologiak garatzen. Lan-ildo nagusien artean dago Gakoen Banaketa Kuantikoa (QKD), zibererasoetatik azpiegitura kritikoak babesteko protokolo aurreratuak garatuz eta kriptografia post-kuantikoarekin integrazioa esploratuz. Gainera, komunikazio kuantikoko sareak diseinatzen ari dira, informazioaren transmisioa optimizatzen dutenak, elkarri lotzeko tekniken eta bideratze seguruko protokoloen bidez.

Beste arlo garrantzitsu bat memoria eta errepikagailu kuantikoen garapena da, funtsezkoak baitira sare kuantikoen distantzia handitzeko eta komunikazio seguruaren eskalagarritasuna hobetzeko. Era berean, satelite bidezko komunikazio kuantikoa ikertzen ari da Euskadi, lurreko eta espazioko sareak integratuz, teknologia horien estaldura zabaltzeko. Azkenik, azpiegitura kuantikoen eta klasikoen arteko elkarreragingarritasuna lantzen da, komunikazio-sistema hibridoetaranzko trantsizio arina ziurtatuz.